تعرف على سبب فشل لعبة "The Order : 1866"

طبعاً كلنا عارفين ان اللعبة دى فشلت و مكناش متوقعين دة نهائى ان فى العروض و التجهيزات ليها حاطينا فـ دمغنا ان اللعبة دى خرافه و مش حيبقى فيه زيها و انها فكرة جديدة ..... الخ الخ

الاسباب ...

طبعاً الناس اهم حاجة عندها فى اللعبة الى حيلعبوها 3 (Graphics - Game Play - Story) بالاضافة للـ "Online" نتكلم عن كل حاجة لوحدها بالنسبة للعبة دى ...

اول حاجة الـ"Graphic" : الجرافيك فى اللعبة دى خرافة بمعنى الكلمة لدرجة انك لو لعبتها حتلاحظ انها شبيها بالجرافيك لتاع الافلام الى زى "The Lord Of The Rings" يعنى من الاخر حاجة فخيمة

تانى حاجة الـ "Game Play" : من هنا تبداً المشكلة فـ انه محدود جداً مش مفتوح و انك بتلتزم اكتر بالمهمات و الحاجات الى عليك مش ينفع انك تمشى و تسافر و تروح و تيجى زى "Assassins Creed" و دة الى معجبش الناس فيها دة غير انه مش متاحلك كل حاجة ..

تالت حاجة الـ "Story" المشكلة انها كانت فكرة جديدة و فى نفس الوقت غريبة و ممله .. ممله !! اة مملة هى كانت بتتكلم عن العصر فيكتورى البريطانى و دة عصر النهضة الاوربية و كان فى تطور و كدة كانت عاملة زى لعبة "Assassins Creed Victory" لكن هما دمجو العصر القديم دة باسلحة متطورة زى منتو شايفين فى الصورة دى كدة فـ بقت بايخة شويه ان فى ناس بيحبو القصص الحقيقية شوية مش المبالغ فيها دى حاجة ازبل حاجة بقى فى اللعبة دى انها قصيرة جداً .. عارف يعنى ايه تخلص لعبه كامله لحد ما توصل للـ"Credit" بالمقاطع السينمائية بكل حاجة فى 7 ساعات !! قصيرة جدً شبه "Last Of Us"

بس "Last Of Us" كانت لعبة جميلة جداً و ممتعة و قصتها دارت على قصرها

نيجى بقى لابواخ حاجة حصلت فى اللعبة دى !!
الـ "Online" او اقصد انها مفهاش "Online" اساساً
و كمان قصيرة يعنى الواحد يخلصها و يحطها على جنب يعنى ملهاش اى 30 لازمة دة غير ثمنها الناس النضيفة بتدفع فلوس عشان الـ "Online" ..
لا هنا حتدفع فلوس "60$" و تخلصها فـ نفس اليوم و تفرج على الايقونة بتعتها بس كدة ...